20161130_155323Сэтинньи ый – Байанай ыйа. Ол чэрчитинэн  алын кылаас оҕолоругар уонна кинилэр а5аларыгар, убайдарыгар сэтинньи 30 күнүгэр «Байанайдаах булчуттар» диэн  күрэх буолан ааста. Бу күрэхпит алта түһүмэхтээх ыытылынна. Бастакы түһүмэх « Тииҥ мэйии» таабырын таайыыта, иккис түһүмэх « Бастыҥ сонордьут» кыыллар-көтөрдөр суолларын таайыы, үһүс түһүмэххэ түөрт буукубаттан турар көтөрдөр ааттарын суруйуу,  төрдүһүнэн «Кыраҕы харах» бу түһүмэххэ оҕолор сыаллара диэн мээчиктэри анал иһиккэ киллэрээһин, салгыы бэһис түһүмэх кустары ойууларын көрөн ааттарын быһаарыы, уонна  бүтэһик « Саамай сымса» аҕалар оҕолорун көхсүлэригэр сүгэн оскуолабыт биир уһугуттан, биир уһугар диэри сүүрдүлэр. Сынньалаҥ мүнүүтэтигэр аҕалар уонна убайдар кыыллары-көтөрдөрү үтүктэн ким төһө артыыһын көрдүбүт.

20161130_165201-0Дьүүллүүр сүбэ быһаарыытынан  « Байанайдаах булчуттар» үрдүк аатын сүктүлэр 1 кылаас үөрэнээччитэ Дарина Леверьева аҕатынаан Григорий Степановичтыын. Иккис миэстэҕэ 4 кылаас үөрэнээччитэ Айгюль Варламова аҕатынаан Афанасий Николаевичтыын, үһүс миэстэҕэ тигистилэр Коля Захаров 4 кылаас аҕатынаан Николай Прокопьевичтыын.

Оҕолор уонна аҕалар, убайдар олус астынан, үөрэн-көтөн тар5астылар. Кинилэргэ Байанай ыйыгар анаммыт  бэртээхэй тэрээһинҥэ кэлэн кыттыбыттарын иһин махталбытын тиэрдэбит!